بمناسبة حلول يوم المراة العالمي — شعارات لمسيرات من اجل حقوق المرأة — تاليف خالد منصور

قولو معنا يا أحرار

عاش الثامن من آذار

**************

ظلمو المرأة من زمان

واتهموها بالنقصان

وقفو عليها كالسجان

وين حقوقو هالانسان

***************

التمييز مش مقبول

حق المراة بدها تنول

***************

مطالبنا التساوي

ولى زمن الجواري

***************

نادى الواجب يا رجال

حنا شركا بالنضال

***************

للامام للامام

بدنا النور لا الظلام

*************

مكاسبنا بنحميها

بالنضال نبقيها

***********

بالعزيمة وبالاصرار

بدنا نواصل هالمشوار

*************

شعبي الصابر قول قول

ظلم المراة مش مقبول

**************

بدنا نغيّر مفاهيم

مراة حرة مش حريم

**************

شوفو المراة انسانة

قوة وعقل وفهمانة

************

والله ظلم ووالله اهانة

تظنوا المراة اقل مكانة

**************

فرضو عليها الوصاية

وقالو بدها حماية

**************

منا الاخت ومنا الام

جموع النسوة بدنا نلم

***************

شب وجنبو صبية

دقو باب الحرية

تحدو كل الرجعية

***************

شدو الهمة يا نساء

رمز العزة والاباء

حيّو نسوة فلسطين

دخلو كل الميادين

***************

حيّو النسوة العاملات

في المعارك باسلات

***************

حيّو معنا العاملات

في المصانع منتجات

***************

حيّو معنا الفلاحات

على الارض صامدات

***************

حيّو معنا الطالبات

في المدارس مبدعات

***************

حيّو المرأة في لبنان

نار وثورة عالطغيان

***************

يلي قلتو جنس حريم

هذا المنطق مش سليم

سميتونا بالحريم

وعيشتونا بالجحيم

***************

ما بصير ما بيصير

ضرب المرأة والتحقير

**************

احكو وقولو يا قضاه

لا للعنف والإكراه

***************

نسوة احترقوا بالنيران

راحوا ضحية للغيلان

وين حقوقو هالانسان

****************

حيّو امّو هالشهيد

وامشوا يالله ايد بايد

***************

حيّو نسوة فلسطين

فاطمة ووفا مع دارين

***************

دور المراة في النضال

دور مساوي للرجال

****************

يا صبايا ويا ستات

بدنا اياكو في الشدات

****************

يا صبايا يا ورود

انتو الرمز للصمود

**************

Be Sociable, Share!

Leave a Reply

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash