شعارات في مظاهرة تضامن مع اضراب العاملين في وكالة الغوث

يا اتحاد العاملين

احنا الكم داعمين

يا وكالة احترمينا

عنا مطالب واسمعينا

بلغة القوة لا تواجهينا

ما راح ينجح لابتزاز

ضد العامل والاستاز

**************

مطالبنا نقابية

قانونية مية المية

**************

يا بربارة ما بيفيد

ما راح نرضخ للتهديد

عن اهدافنا ما بنحيد

**************

ما بنفكو هالاضراب

ولا راح نخضع للارهاب

**************

للوكالة جينا نقول

للمشاكل حطي حلول

**************

الوكالة بدنا تظل

حتى نحصل على الحل

**************

شعبي بدو اجابات

ليش تقليص الخدمات

**************

يا بربارا بكفينا

سياساتك تئذينا

صوت الشعب عالي عالي

اسمعينا يا وكالة

**************

اندرو ويتلي اطرديه

عا اقوالو حاسبيه

**************

اللي نادى بالتوطين

هوي عدو اللاجئين

**************

اسمع منا بان كي مون

هذا وطنا واحنا هون

**************

لا تعويض ولا توطين

بدنا العودة لفلسطين

يا جمهور المنكوبين

قولو لا للتوطين

الف لا للتوطين

لاجل العودة سائرين

ما بنبيعك يفلسطين

لو دفعولنا الملايين

**************

تعلمناها من كبارنا

ما راح ننسى ديارنا

**************

يا حكام اسرائيل

عن العودة لا بديل

التوطين مستحيل

**************

التوطين مش رح نقبل

لاجل العودة احنا بنعمل

**************

ما بنتعب ولا بنكل

حتى العودة علينا تهل

**************

بنقسم هون باليمين

لا تعويض ولا توطين

حتى ترجع فلسطين

محتلين مجرمين

سرقو ارضك فلسطين

**************

يلي تحطو مشاريع

حق العودة ما بيضيع

ارض الوطن ما بنبيع

**************

المخيم للشرفاء

رمز الثورةو العطاء

**************

ديرو النار بها لخيام

وعدو العدة للصدام

**************

قولو قولو يا اخوان

حق العودة للاوطان

حق مقدس للانسان

ما بتقادم بالزمان

**************

ضمير العالم اصحى وفوق

احنا شعب الو حقوق

**************

ليل النكبة مهما طال

فجرو قادم لا محال

**************

احنا قلعه للصمود

احنا مخزن للبارود

والسلام ما بسود

اذا اللاجئ ما بعود

**************

حذار حذار يا جماهير

التامر علينا كبير

**************

حيفا ويافا رملة ولد

ارض ولادي اب وجد

ارض القدس زي اللد

لاجل العودة بدنا نعد

**************

لازم تعرف اسرائيل

عن العودة لا بديل

**************

إحنا اصحابك فلسطين

ما بنوافق عالتوطين

**************

احنا الثورة احنا النار

احنا فتيل الانفجار

بدنا العودة للديار

عنا العزم والاصرار

**************

رغم الهجرة والتشريد

عن العودة ما بنحيد

في المهاجر والشتات

في الصحاري والجنات

رغم النكبة والحسرات

فجر العودة آت آت

**************

برد الخيمة علمنا

غالي كثير وطننا

**************

الوكالة بدنا تظل

حتى نحصل على الحل

بكفي بكفي تقليصات

زيدو زيدو الخدمات

**************

دم اللاجئ روى الأرض

فدا الوطن فدا العرض

**************

جوا الخيمة حفظنا درس

العودة العودة العودة وبس

**************

التاريخ دون سطر

في المخيم غضب تفجر

ابن النكبة مهما تمرمر

عارف دربه ما بتغير

**************

المفتاح بيدي سلاح

رمز العودة والكفاح

**************

حنين اللاجئ للأوطان

نار بتغلي كالبركان

**************

لا استقرار ولا هدوء

ومعظم شعبي في اللجوء

**************

يا دعاة الاستسلام

يا انذال يا اقزام

**************

بدنا برامج للتشغيل

حتى الفقر عنا نزيل

**************

احنا جموع الكادحين

بالبطالة مكبلين

**************

يا وكالة ما بيصير

قعدتونا عالحصير

وفقر الشعب زاد كثير

**************

للوكالة بدنا نقول

اللي بصير مش معقول

**************

يا وكالة طلي وشوفي

جينا نحكي عالمكشوف

**************

يا وكالة وينك وينك

لازم تخجل منا عينك

**************

يا وكالة شوفي الحال

بدنا شغل للعمال

**************

احنا احنا العاملين

احنا احنا المظلومين

بدنا عدالة وقوانين

**************

يا شغيلة يا عمال

خوضوا خوضوا هالنضال

ضد الظلم والاهمال

حتى نزيل الاستغلال

**************

فقر وجوع وبطالة

ساءت والله هالحالة

**************

بدنا نغير هالاحوال

بدنا شغل للعمال

**************

فش جديد غير الهم

وفقر الشعب عم وطم

**************

Be Sociable, Share!

Leave a Reply

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash