شعارات لفعاليات وطنية ضد جدار الفصل العنصري

بقلم : خالد منصور

هدّوا السور ببرلين

وبدنا نهدّوا بفلسطين

إحنا شعب فلسطين

إحنا شعب جبارين

لا بنكل ولا بنلين

ولا بنهادن محتلين

*************

على السور مرابطين

شوكة بحلق المحتلين

**************

النا الأرض والنا الدار

ما رح نرحل مهما صار

والجدار رح ينهار

بالعزيمة والإصرار

شعبي هب وشعبي ثار

ما رح نقبل بالجدار

***************

شعبي واصل هالنضال

سور الواقي رح ينزال

**************

من رفح لجنين

للجدار رافضين

**************

جوا السور وبرا السور

النا الأرض والنا الدور

**************

يا شارون يا مسعور

ارحل عنا يلا غور

**************

يا شارون يا جزار

مهما عملتوا ومهما صار

ما بحميكو هالجدار

*****************

حاصر جوّع هدّ بيوت

ما رح نرحل لو بنموت

**************

يا كرمية شدو الحيل

يا عانين شدي الحيل

سور الواقي بدو شيل

****************

حاجز سدة وبوابة

هذا هوّ الإرهابي

***************

يا انتفاضة مدي وزيدي

سور الواقي نكبة جديدة

****************

سور الواقي سور الواقي

مهما عملو شعبي باقي

****************

سور الموت هدوا هدوا

والمتخاذل يلعن جدو

****************

معنى واحد للجدار

لا دولة ولا استقرار

*************

يا لاهاي وينك وينك

والجدار قدام عينك

*************

يا أحرار كل الكون

قولو لا  للكانتون

والف لا  لشارون

*************

شرع العالم احكم قول

الجدار هو  الغول

بلع الأرض عرض وطول

****************

يا عالم ما بيصير

وين العدل والضمير

صار الوطن سجن كبير

وشعبي محاصر بالجنازير

***************

لا تفاوض لا حوار

مع حكومة هالاشرار

طول ما ببنو هالجدار

وبجتاحونا ليل نهار

***************

بدنا نهد هالجدران

وبدنا نزيل لاستيطان

**************

يابو مازن يا عباس

تع تفرج شوف الناس

إحنا شربنا مر الكاس

وما رح نركع للأنجاس

***************

إحنا جموع المنكوبين

من رمانة لعانين

من الدير لقفين

***************

جينا نشوف المسؤولين

اللي عنا مش سائلين

****************

جينا نوصل رسالة

لاصحاب المعالي

لسكان العلالي

بكفينا إهمالي

بدنا نتفة عدالة

***************

يا زعيم هالبلاد

وين الدعم والإسناد

**************

شبعتونا بالوعود

والجدار صار حدود

****************

بدنا خطة للإنعاش

حكي كثير ما بدناش

*************

العار العار للسمسار

للّي باع إسمنت للجدار

**************

بيت حنينا مع الرام

وحدة وحدة لا انفصام

**************

ارض القدس عربية

والسيادة وطنية

لا أحياء  وبلدية

**************

الإصلاح والتغيير

شعارات للتخدير

************

صاح الشعب صاح صاح

وينو وينو هالاصلاح

*************

القرار بيجي منين

سلطة والها مركزين

خزنة والها مفتاحين

والإهدار عالجنبين

**************

اسمع اسمع يا عباس

أمن الشعب بالأساس

***************

الله يعينو هالوزير

على جريه بمشي كثير

عالحواجز بصلوبوه

وزي الناس بضروبوه

ما بآمن بالتنسيق

وشوف الجيش ما بيطيق

بين الشعب على طول

وغير الحق ما بيقول

**************

يا زعامة هالبلاد

انتو بواد واحنا بواد

انتو عنا والله بعاد

**************

إحنا شعب محاصرين

وانتو عنا مش سائلين

**************

إحنا نقارع لاحتلال

وانتو غرقتوا بالأوحال

***************

اللي فوق مختلفين

على شو مش عارفين

***************

يا زعامة هالقضية

بدها روح مسؤولية

 

لا عبث ولا استهتار

ولا طوشة عالادوار

***************

شعبي الحر يا أمين

اوعى تكل واوعى تلين

للحرية سائرين

حتى نحرر فلسطين

**************

سيري سيري يا بلعين

حتى دحر المحتلين

**************

من بلعين بدنا نقول

لاستيطان هو الغول

**************

من بلعين طلع الصوت

لاستيطان هو الموت

**************

انت المثل يا بلعين

نهجك نهج الثوريين

Be Sociable, Share!

Leave a Reply

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash