إعلامي فلسطين

العاشق الأبدي لفلسطين



غزة في ال 2020م …

نوفمبر 3, 2009
0 مشاهده

غزة في ال 2020م …

 

بقلم: رائد اشنيورة .

غليص :مرحباااااااا يا خال , كيف حالك يا حبيبي يا عمري يا روحي ؟؟ .

 

مفعوص: حبيبي يااااااااااااا حج . والله انا لوز اللوز يا ورد .

وين أيامك زمان ما شفناك ؟ عليا الطربوش إلك وحشة كبيرة جدا جدا جدا …

وهي احلى بوسة لعيونك مووواااااااااااااااح . .

 

غليص: حبيبي يا غالي والله انا يا كبير الدنيا معايا ماشية حلاوة , يعني بعد مرور خمس سنوات على توحيد الوطن ونهاية الانقسام … الدنيا عنا في غزة ماشية ألف , يعني راح نوصل لليابان .

 

مفعوص : اه يا عمي والله معاك حق , وين كنا ووين صرنا ,, أنا الحمد لله شايفلك هالغزة راح تتحول لسنغافورة , ولا مكيف غير على منتجع “البطة العرجة” إلي عالبحر , أشي دولي يا كبير , بتقعد بتحس حالك في جزيرة النخلة في الامارات .

 

غليص : اه والله معاك حق , ولا يا عيني عالشغل يا حجي ولك صايرين نستورد عمالة عشان نشغل المصانع والشركات من كتر الفائض المالي إلي صايب البلد , بعدين ايش لو عامل النظافة ما معاه شهادة جامعة مستحيل يشتغل يا معلم , اه مالك ومالنا صايرين لحالنا حضارة ,, اليهود صارت تدفعلنا ضريبة وأجار أرض كمان هههههههههه… أما عيشة اخر حلاوة ..

 

مفعوص : ولك يسلملي هالضحكة يارب , والله احنا راح نضحك ليوم الدين يا عمو , مبارح شريتلك فيلا ايش احكيلك ,,, اشي فخم فخم فخم فخم , اخر حاجة , بعدين الهندس الي بناها هو نفسو إلي صمم برج إيفل , والبنا استوردناهم من اليابان مخصوص .. وان شاء الله بس انقل عليها وحياتك غير أعمل اجتماع للجمعية العامة للأمم المتحدة فيها , وزيادة عهيك قرعة كأس العالم فيها راح تصير .

 

غليص : على ذكرى كاس العالم , راح نرشح غزة لاستضافة المونديال القادم , وطبعا احنا جاهزين من كلووو , 17 استاد رياضي عالمي , ولا البرنابيبو بالمدريد يا حج ,, ولك برشلونة طلب يلعب مع نادي خدمات المغازي مبارة بمناسبة اعتزال ميسي … بما انه احنا نجوم الدوري العالمي ..

 

مفعوص : والله من كتر ما الناس مبسوطة في هيك عيشة , بطل الواحد مصدق يا راجل هيك فجأة تنقلب الدنيا , أي والله اليابان بعد خمسين سنة من ضربها بالذري لما عملت هالنهضة الي هي فيها , احنا بعد خمس سنين من حرب غزة والابادة الي صارت , وغير الي تركو الانقسام من قتلى وجرحى ومعاقين , انتفضنا زي المجانين وعمرنا البلد ..

 

غليص : أه والله معاك حق يا مفعوصتي ,, ربك لما يريد بحول كل الدنيا .. والحمد لله على كل حال , طيب روح نتعشا في البيت الأبيض ونرجع طيارتي شغالة وبستنو الجماعة ..

 

مفعوص : لا حبيبي يا صاحبي والله مش راح اقدر اليوم , أصلي معزوم عند الولد إلي أسمو الوليد بن طلال في متحف اللوفر بباريس , قال بدو يعمل مشاريع استثمار في غزة وابصر شووو , بدي اشوفو وهو وحظو لو لقينالو شغلة بنشغلو , مال لقينالو يصف عالدور زيو زي بيل جيتس …

 

يلا ليلا توف يا نايتي..

 

غليص : جوووووووود  نايت يا ماو ..

 

 

 

ملاحظة : حوار اتنين سكرانين اخر حاجة ..

Be Sociable, Share!

  1. aypress Said,

    هذه هي الاحلام التي تراودنا …. المجال امامنا واسع …. لنحلم ولنطيل في الاحلام ….. لكن لا تنسى القاعدة المشهورة … احلام اليوم حقائق الغد ….. تحياتي : الصحفي ايمن الرفاتي

  2. رمضان Said,

    ههههههه واله يسلمو يا رائد على هالكلمات وغزة شو ما صار ولا عمرها صارت سنغفورة وبتفضل غزة غزة زي ما هي ما بيتغير فيها شئ الا ممكن يتغيروا الناس شوية كمان مش كتتتير

  3. أحمد Said,

    بداية بهنيك يا مان على المدونة الرائعة حقيقة .. اللوك حلووو وفريد من تصميمووو .. حسيت حالي في الدولة العباسية ومعارضي هارون الرشيد يهجون الوضع القائم في بلد المهازل .. هههههههههههههههه بس حبكة حلوووة وما شاء الله عليك خيالك واسع .. على هيك أنا بتوقع كمان خمس سنين يأتي مخرجوا الأفلام السينمائية بهولووويد خصيصاً إليك على غزة ليستقوا من خيالك الواسع الخلاب .. خخخخخخ حبيبي يا مان .. إن شاء الله موفق خيوووو وإلى الأمام ..

    المخلص / زميلك أبو حميد

  4. bodour abu kuwaik Said,

    غزة بالوجه الجميل كما صورت هو أملنا

    والمهمة تقع على عاتق كل الشباب الفلسطيني في رسم هذه الصورة لمدينتنا

    وهذا لن يحدث إلا إذا أتبعنا الكلمة بالعمل سيكن لنا ما نريد

    بالتوفيق

  5. hassan Said,

    ههههههههههههههههههههه الصراحة تحفة

أضف تعليقك

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash