عامٌ يمرُّ…!!
عامٌ يمرّ وَما زالَ الأسى جبلاً
العمرُ يَمشي
وهذا القهرُ لا يمشي ..
وليلُنا مظلمٌ
مِثلُ الغُرابِ هُنا
وَصُبحُنا مُدلَهِمُّ الوَجهِ بَل يُعشِي ..
والأجهلونَ لهم قَصرٌ
على جبلٍ
والأعلمونَ بكوخِ الطينِ والقشِّ ..
تكدّسَ القاعُ بالأفذاذ ِ
في وطني
ونالَ أعلى العُلا مَن فاز بالغُشِّ ..
حاكت مِسلةُ أهلِ العار ِ
في بلدي
“كيبا” الخواجاتِ والمُستوطِنِ الوَحشي ..
لحنُ ” الهاتِكْڤا ”
عَلا مِزمارُهُ فغَدا
وَضعُ القضيةِ كالمحمولِ في النعشِ ..
قَضَت أصائِلُنا
في الحَربِ جاهدةً
والأمرُ صارَ بكفّ الأبلهِ الجَحشِ ..
تَهوي المِهدّاتُ فوقَ
الصّخرِ راجفةً
تُؤذي يَدَ الطارقِ الهاوي على الدّبشِ ..
عادَ الخواجاتُ والأعيادُ تُفرحهم
وأمّةُ العُرْبِ يومَ “النّحر” كالكَبشِ
…..
…قراوة بني زيد/ ليلة رأس السنة
#كل_عام_وأمتنا_إلى_النصر_أقرب

يا أحبابي أنا قلبي مع الزّين
عيوني لو تطلبوهن ما عزّين
وإذا عَ القبر تيجوني مُعزّين
تحرّك عظمي من تحت التراب

الليالي السود لمّا بِدهَمِنّي
ما بعرف مالها شو بِدها مِنّي
شوفوا الدم اللي بيدها مِنّي
رشق من قلبي تَ بلّ التراب

نبينا الـْ شَقّ هالبحر بعَصايتو
مقامُه اليوم بيضُجّ بعُصايتو
على الله يعود للدنيا بعُصَيّتو
تا تبلع كل هذول الكلاب..!!

على صبرات حارتنا ترى اكْواز
صُفر وحُمر وزهرية وترَكواز
وترى مجنون حارتنا ترك وَزّ
وراح يصيد في الصحرا عقاب

إذا بنكون قَدّك وإنت قَدّنا
علينا شور شورَك وانتَقِدنا
إحنا جنود خلفك وإنت قُدْنا
بِدِيك نكون سيفك ولِحراب

أحطنا باللغة وصغنا جُمَلها
ومعاني الشعر أبدعنا جَمَالها
إذا جار الزمن إحنا جِمَالها
بنحفظ عهدها شعر وأداب

حِصانك لو في وقت الحرب معلوف
وطعامك لو عدس جعجير مع لوف
وشِعرك كان مثل الياس ومعلوف
إنِت ملك الأعاجم والعرب..!!

زَرَعنا في ممر الدار وَردات
لعل الأمنيات تكون واردات
ومثل ما الخيل عند النبع وردت
أنا قلبي وَرَد بيت الأحباب..!!
#صباح_الخير_للجميع

بعد ما شربتوا قهواتي وشايي
وْكُنِت قالي لكم لحمة وشايي
علَيّ اليوم ألّفتوا وِشايي(ة)
مَعاذ الله على هيكا اصحاب