الناس اللي عجبهم زهر نيسان
وراحوا يمدحوا نيسان وزهرو
تناسوا إنه مطر آذار عنوان
وسبب هالزهر وألوانه وعطرو
ناس ملونة في جلد ثعبان
وفاقت كل متلوّن بِغَدرو
ناس بتعمل الهدّام سلطان
واللي بنى السَّلطنة بتحُط قَدرو
الناس اللي خدعها ابن شيطان
لا بُدّ بيوم ما يِنكِشِف أمرو
بنينا بهالبلد للمجد ديوان
واللي راهنوا عَ الفشل خِسروا
بيظل اللي بنى الأمجاد بَقيان
ولو بيموت ما بينعدم ذِكرو
وبيظل النذل بين الناس خزيان
مهما هالنذل بيطول عمرو
وبيظل الذهب فوق الروس تيجان
مهما هالذهب يِنحط سعرو
….. قراوة بني زيد/ صباحاً

بسيف الشعب حق الوطن بِنجاب
ولو إنه بعيد بأرض بَنجاب
اللي ضيّع حقنا زوراً وَبُن جاب
القِهِيوة عَ الظلم ما تنشرب

بنتوب عن عشق الصبر؟
لا ما أظن الدهر يوم نتوب
إحنا الصبر يزهر على أهدابنا
وفي أرضنا ينبت ألف أيوب
نرجع لأرض بلادنا رغم المحن
ويمسح دموعه بثوبنا يعقوب
ومريم تقلّع شوكنا برموشها
إكليل من راس النبي المصلوب
سبعين عام الغار يؤوي هجرنا
وبالعنكبوت المصطفى محجوب
وتحمل سفينة نوح صبرا وأهلها
ولشط عكا وعسقلان تؤوب

باعوا بلادهم لاجل الكراسي
ممالك هالقذارة وهالتياسي
كيف يطهّر البّحار ثوبه
إذا البحرين مصدر للنجاسي

صباح البامية الخضرا
اللي ما زادت عن التّلمين
ما بَبدِلها بْرياض الأرض
ولا حتى بسما بحرين
ولا بْمسقط شعاع الشمس
ولا بدوحة شجر ياسمين
ولا حتى بأبوه للظبي
ولا بالعين وأم قْوين
بنوكل خبزنا حافي
ولا نباوع على فلسطين
…قراوة بني زيد/ صباحاً
#تسقط_صفقة_القرن
#ويعيش_قرن_البامية

حزيرانُ عادَ
وعادت به ذكرياتُ الملاحمْ
حزيرانُ وَهجٌ يُضيءُ الطريقَ
بنورِ الجَماجمْ
حزيرانُ حينَ يصيرُ الدمُ
المُتدفّقُ سَيفاً ليمحوَ عنّا
تراثَ الهَزائمْ
حزيرانُ جَمجومُ والزّيرُ
نارٌ تشدُّ لهيبَ العَزائمْ
حزيرانُ صوتُ الحِجازيّ يَصرخُ فينا:
“تموتُ الشعوبُ التي لا تقاوِمْ”
…. قراوة بني زيد/ فجراً

علينا يا وطن كالأهل عَزّيت
نبقى فيك لو بنعيش عَ الزّيت
إذا بموت ويوم الدفن عزّيت
على قبري ازرع الزيتون غاب

إذا الأستاذ للنخوة مَ علّم
كتب برصاص و عَ حروفو مَ علّم
حرف العين مع الميم ومع اللام
العلم مش بس كلمة بتنكتب

يَنبعثُ النحلُ الوطنيّ
ويرف كأجنحة الفينيق
يجتاح أزاهير الفاقوع
ليجني عند الصبح رحيق
ويظل الشهد يعتّقه
من قبل عصور الإغريق
والعطر يسرسب من فمه
في كل زفيرٍ وشهيق
….قراوة بني زيد/ فجراً

كلَّ عامٍ
أحملُ أشواقي
وذبولَ أحداقي
وأوراقي
وأسافرُ إليك
يا ذكرى النصرِ مع الصبرِ
لا لن ننساك
زهراً يتدفّقُ بالعِطرِ
ترويهِ دِماك
وصلاة العيدِ مع النصرِ
سنقيمُ هناك
…. قراوة بني زيد/ فجراً