مايو
20
في 20-05-2019
تحت تصنيف (Uncategorized) بواسطة a1b2

إلى روح الشاعر الشعبي الراحل ياسر البرغوثي (أبو الناهض) مع دعواتنا له بالرحمة والمغفرة:
غادرتنا يا عطرنا الفـــوّاح
……. يا بلبل النبعة وشاديهـــــــا
كنت الأمل والخير والأفراح
…. وصورة بلدنا وصوت ماضيهـا
وحصانك اللي يورد الضحضاح
……صرخة صهيله السفح يرويها
يا أبو الناهض صوتك الـْ ما راح
……..فينا صدى الأوجاع تحكيها
انتي خوابي الخير وزيت اطفاح
…………وبلادك من القلب تعطيها
قلبك مثل بيدر في عِز ريــــاح
……. يهدر قمــح والطير يجنيهـا
يا كرمنــــا والقصر والمُسطاح
….. تبكيك خلّتنا وروابيهـــــــا
ستين عام وعطرك الفــــوّاح
…… في اعراق (صيرتنا) وأعاليها
و(مثرون) والرّمان والتفــاح
…..وعطر الليمون الدهر صاحيها
و(قاروص) تنزف دمعها النوّاح
……..تبكي فراق اللي انزرع فيهـا
و(نيثا) اللي جفت بعد طول جراح
……. و(دنّيرس) من الحزن تبكيها
و(عين الجديدة) وعِدّها الصّدّاح
……..من سلسبيله الأرض يرويهــا
صرخاتك اللي وصلتْ الشيّاح
…….فاضت من (الحَلْفا) قوافيهــا
حامت على (البقّوم) سبع ارواح
…….. بالرحمة تدعيلك دواعيهـــا
اهنأ في عِلّيينك وإرتـــــاح
….. في كفر عين أسود تحميهــــا
…قراوة بني زيد/ ليلاً