ديسمبر
25
في 25-12-2018
تحت تصنيف (Uncategorized) بواسطة a1b2
   
تتذكّر الماضي يا بو عزام؟
…و زرعاتنا اللي عَ رمى الخَلّة

وحمّالة القمح اللي وادي الشام
… عمّر عليها الغِمر والحِلّة
بعِز الحصيدة وكان شهر صيام
..وتحت العريشة نقوم تَ نصلّي
وجدّك وجدّي بسالف الأيام
…صانوا الملح والعيش والدلّة
وستك اتنقّب عدس قبل اتنام
وستي عَ عين البلد بتملّي
وأمّي وأمك تحلب الأغنام
..وبَيّي يعبّي الكحل في القُلّة
ومقثاتنا تملّى البلد شمّام
..وفقوسنا اللي عَرّم السلّة
واللي سرح قبل الفجر مقدام
….يملا من الزعرور قُرْطلّة
ما كان فينا قاطع الأرحام
…..مع الولايا نقسّم الغلّة
ونفس العفيف ايظل عالي الهام
……ما يذلّها لو تقتلو القِـلّة
وكان الصديق بسالف الأيام 
…ما يبيعك ابقنطار عصملّي

Be Sociable, Share!

أضف تعليقك
اسمك :*
بريدك :*
موقعك :
تعليقـــك:

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash