تتذكّر الماضي يا بو عزام؟

…و زرعاتنا اللي عَ رمى الخَلّة

وحمّالة القمح اللي وادي الشام
… عمّر عليها الغِمر والحِلّة
بعِز الحصيدة وكان شهر صيام
..وتحت العريشة نقوم تَ نصلّي
وجدّك وجدّي بسالف الأيام
…صانوا الملح والعيش والدلّة
وستك اتنقّب عدس قبل اتنام
وستي عَ عين البلد بتملّي
وأمّي وأمك تحلب الأغنام
..وبَيّي يعبّي الكحل في القُلّة
ومقثاتنا تملّى البلد شمّام
..وفقوسنا اللي عَرّم السلّة
واللي سرح قبل الفجر مقدام
….يملا من الزعرور قُرْطلّة
ما كان فينا قاطع الأرحام
…..مع الولايا نقسّم الغلّة
ونفس العفيف ايظل عالي الهام
……ما يذلّها لو تقتلو القِـلّة
وكان الصديق بسالف الأيام 
…ما يبيعك ابقنطار عصملّي

رأيتُ مناماً..!!

حلمتُ بأنّي أقشّرُ لوزاً 
وأزرعُ لوزاً
وأقطفُ لوزاً
وآكلُ لوزاً
- يقولُ المُفسّر:
سوفَ تصيرُ بخيرٍ
ويصبحُ قلبك أقوى وأقوى
سيعبرُ دربَكَ سربُ الحمام
ويعمُرُ بيتكَ دفءُ الوئام
وسوف يعمُّ البلادَ السلام
….قراوة بني زيد/ صباحاً