نوفمبر
28
في 28-11-2021
تحت تصنيف (Uncategorized) بواسطة a1b2
   

الزعامة حُبّها كسّر ظَهِرنا
وهدفنا يقولوا عَنّا إنّا ظَهَرنا
سهرنا الليل ونمنا لـَ ظُهُرنا
وما جِبنا للبلد إلا الخراب..!!

نوفمبر
06
في 06-11-2021
تحت تصنيف (Uncategorized) بواسطة a1b2
   

خِبنا في التوافق وإنتو خِبتو
وشو راح تكسبو لو إنتُخِبتو
قلوب الناس تِخبِت إن تِخِبتو
وإذا قسيتو بتقسى كالحطب

نوفمبر
05
في 05-11-2021
تحت تصنيف (Uncategorized) بواسطة a1b2
   

FB_IMG_1636091806620
على المحتل رح صَوّب شَعوبي
ومش رح أخون لأممي وشُعوبي
وإذا استشهدت عَ الاقصى شيعو بي
ورُشّوا من ترابو عَ الأهدااااااب

أكتوبر
25
في 25-10-2021
تحت تصنيف (Uncategorized) بواسطة a1b2
   

FB_IMG_1635175218176أقرأُ جبرا
يحفرُ في ذاكرتي بئرا
مِن كنعانَ إلى عيناتا
حلّقت العنقاءُ هناكَ وغنّت “جَفرا”
مِن بغدادَ لِمهدِ (يسوع ٍ)
يقتادكَ للبئر الأولى سطراً سطرا
أقرأ جبرا
في جذعِ الزيتونِ الرّومي
في زهر التفاحِ الشامي
في سنبلةِ القمح الذهبيّ المتدفق شعرا
يا خاطرَ شعبي المكسور
ننتظرُ العنقاءَ تحلّقُ فوقَ الغيمِ الأسودِ فَجرا
ننتظرُ مِنَ اللهِ الجَبرا
….
قراوة بني زيد/صباحاً

أكتوبر
16
في 16-10-2021
تحت تصنيف (Uncategorized) بواسطة a1b2
   

لنا مُسطاح عامر مِن جِمِعتين
وْمِنِ الخَلّة جَمَع عنب وجَمَع تين
عَ الله شعبنا الـْ أصبح جَماعتين
يعود بوحدة تجمع للاقطاب

سبتمبر
26
في 26-09-2021
تحت تصنيف (Uncategorized) بواسطة a1b2
   

مثل ما ارواحنا للمجد بِرقين
ومثل ما دمّنا بينزف في بُرقين
ومثل ما لاح في الغيمات بَرقين
راح يلوح النصر في كل باب

سبتمبر
26
في 26-09-2021
تحت تصنيف (Uncategorized) بواسطة a1b2
   

شو بدّو خاين الثورة شو بدّو؟
لحتى يدلّ محتلّو عَ بدّو
ومثل ما الزيت بتصفّى في بَدّو
رح نصفي اللي خانو هالتراب

سبتمبر
20
في 20-09-2021
تحت تصنيف (Uncategorized) بواسطة a1b2
   

اقرأ
باسم الفدائيّ الذي اخترقا
منظومةَ الفولاذِ والنارِ
باسم الفدائيّ الذي انطلقا
من تحتِ جمرِ الكونِ للدارِ
باسم الذي حفرَ المَدى نفقا
يسري به من تحتِ أنهارِ
اقرأ
وربُّ سلاحِكَ الأكرمْ
فجنينُ كعبةُ جيشِكَ الأعظمْ
اقرأ
لعلّ بلادَنا تعلم
أنّ المُخيمَ قلعة الأحرار ِ لن يُهزَمْ
اقرأ
فهذي سورةُ النّفَقِ
هذا نزيفُ الشمسِ في الأفُقِ
هذا اشتياقُ الليلِ للشفقِ

…قراوة بني زيد/ عصراً

يوليو
22
في 22-07-2021
تحت تصنيف (Uncategorized) بواسطة a1b2
   

عمر الناس في قولي ما شكّو
ولا قالوا الأفندي رجع شكّو
كَرِت صرّافك بمسمار شِكًو
و عَطول الإيد شوطو في الخراب

يوليو
20
في 20-07-2021
تحت تصنيف (Uncategorized) بواسطة a1b2
   

يا أهلي اللي في باب الواد قِبلي
لكم من مُهجتي مليون قُبلي (ة)
ما ظني عيّدوكم ناس قَبلي
صباح العيد يا ربعي الطيبااااب